Новы сезон курсаў беларускай мовы «Мова нанова» пачынаецца ў Гродна

29 верасня, пасля летняга адпачынку, у Гародні зноў пачнуць працу курсы беларускай мовы — «Мова нанова». Распачнецца сезон заняткамі на тэму «Адукацыя» і невялікім канцэртам Зміцера Вайцюшкевіча.

Мова нанова — бясплатныя курсы беларускай мовы, якія існуюць са студзеня 2014 года і карыстаюцца вялікай папулярнасцю сярод людзей рознага ўзросту.

Назву курсаў іх заснавальнікі тлумачаць проста: многія беларусы кажуць, што беларуская — іх родная мова. Пры гэтым не зусім добра ці зусім нядобра ведаюць яе. Гэтае словазлучэнне «родная мова» вельмі часта ўводзіць у зман нас саміх. Час прызнацца, што нам пара вучыць беларускую мову нанова!

На думку стваральнікаў курсаў, гісторыя ведае прыклады, калі народ адраджаў паўзабытую мову і гэтыя прыклады натхняюць.

Канцэпцыя курсаў — неакадэмічнае вывучэнне мовы, з дапамогай інтэрактыўных метадаў навучання.

Усіх жадаючых чакаюць сення, 29 верасня, у 19:00 у кавярні «Салодкі пачастунак» (вул. Ажэшка 25, корпус 3).

Раскажыце пра гэта сваім сябрам!

Суполка курсаў УКантакце.
Суполка курсаў у фэйсбуку.

Нашли опечатку? Выделите фрагмент текста с опечаткой и нажмите Ctrl + Enter.