Прадстаўленыя на выставе работы аб’ядноўвае адна агульная тэма — тэма хрысціянскай духоўнасці.
Выстава ўключае калекцыю гравюрных дошак на медзі ХІХ ст. з выявамі сцэн Старога і Новага Запаветаў. Выкананыя ў люстраным адбітку металічныя матрыцы адкрываюць таямніцу нараджэння вобразу. Экскурсіі праводзяцца з інтэрактыўным блокам — можна будзе адчуць сябе майстрам-друкаром, зрабіць адбітак на паперы.
Асобны раздзел выставы складае італьянская рэпрадукцыйная гравюра ХІХ ст. у тэхніцы афорта, які быў упадабаным жанрам для многіх вялікіх мастакоў. Прадстаўленыя работы выкананы па творах славутых жывапісцаў Рэнесансу і Барока. Іх адрознівае высокае майстэрства валодання разцом, бездакорная тэхніка і вытанчанасць выканання рысунка.
У межах адкрыцця 28 лістапада 2017 г. у 17:00 выставы адбудзецца адкрытая лекцыя мастака-графіка Юрыя Якавенкі.
Кошт: