Памятаем і ганарымся

Выстаўка мастацкай і дакументальнай фатаграфіі фотамастакоў г. Гродна «Памятаем і ганарымся», прысвечаная 75-годдзю вызвалення Беларусі ад нямецка-фашысцкіх захопнікаў і Дню Незалежнасці Рэспублікі Беларусь адкрыецца 28 чэрвеня ў Цэнтры народнай творчасці.

На выстаўцы прадстаўлены работы фатографаў-дакументалістаў г. Гродна 70-90-х гг. ХХ стагоддзя – Уладзіміра Гофмана, Аляксандра Пераходу, Уладзіміра Косціна, Яўгена Краўчанкі. Здымкі зроблены ў 1974 годзе, у знакавае свята – 30 гадоў з дня вызвалення Беларусі ад нямецка-фашысцкіх захопнікаў. На 17 фотоработах адлюстраваны ўдзельнікі вайны – генералы, радавыя, партызаны, працаўнікі тылу.

Выстаўка прадоўжыцца да 1 кастрычніка 2019 г.

Дадатковая інфармацыя па тэлефоне: 74-04-48, 68-79-34.