2 сакавіка ў 16:00 у Сенатарскай зале Новага замка адкрыецца выстава сямейнай пары, мастакоў з Мінска, Усевалада Швайбы і Тамары Дзяменцьевай «Узы меж нами». Аўтары прапануюць увазе гледачоў свае графічныя і жывапісныя творы.
Перапляценне і творчае ўзаемадзеянне ў мастацкай сям'і нарадзіла шмат вобразаў, метафар, задум, якія могуць быць прачытаны гледачом на гэтай выставе. Два абсалютна розных па накірунку, па характары мастака, абменьваючыся думкамі ў сваіх мастацкіх пошуках, ведучы дыялог праз свае творы, валодаюць нябачнай сувяззю адзін з адным. Такое яднанне і ёсць «Вузы творчасцi».
Выстава будзе працаваць з 3 сакавіка па 2 красавіка.
Даведкі па тэл. +375 (152) 71-86-88, +375 (29) 776-65-88 (МТС), +375 (29) 614-82-35 (А1).