У «Крызе» адкрылася «Люстэрка» Анатоля Скамарошчанкі

У галерэі «Крыга» распачалася выстава Анатоля Скамарошчанкі «Люстэрка».

30 сакавіка ў гродзенскай арт-галерэі «Крыга» распачалася выстава гродзенскага мастака і дызайнера Анатоля Скамарошчанка. На выставе аўтар прапануе прагляду партрэтны жывапіс.

«Усе людзі, якіх вы сёння бачыце на партрэтах, жывуць у Гродна», — кажа мастак.

«Крыга» ледзь умясціла вялікую колькасць людзей: тут былі і сябры мастака, і яго вучні, і, зразумела, жонка з дзецьмі, гродзенцы, зацікаўленыя культурным жыццём горада, і, вядома, шмат-шмат аматараў з фотаапаратамі.

У куточку прытуліўся джазмен, зрэдку падміргваючы наведвальнікам.

На вернісажы адбылася гульня, пераможцам абяцалі партрэты мастака, але раздалі толькі люстэркі — сімвал выставы. Дарэчы, працягнецца яна да 17 красавіка.

Ася Ў, grodno.in.

Нашли опечатку? Выделите фрагмент текста с опечаткой и нажмите Ctrl + Enter.