У гродзенскай галерэі «Крыга» 17-га кастрычніка адкрылася выстава кавалёў Віктара Старухіна і Алеся Панцялея. Хлопцы прадставілі гарадзенцам свае творы з жалеза.
Гарадзенскі каваль Юрась Мацко (на здымку), што працуе з жалезам больш за 20 год, хваліць працы хлопцаў:
— «Гэтых хлопцаў, я ведаю завочка ўжо вельмі даўно — нават пад час іх вучобы ў акадэміі мастацтваў і вельмі добра, што яны працягваюць сваю не каньюктурную працу з жалезам”.
— «Чаму «Існасць»? Таму што жалеза — яно нібы жывое і нам хацелася паказаць яго жыццё» — кажа Віктар Старухін.
Творы, што прадстаўленыя на выставе, знаходзяцца ў прыватных калекцыях не толькі ў Беларусі, але і па ўсім свеце.
Асноўную частку выставы займае твор «Ветразь».
— «Гэты твор рыхтаваўся да конкурса, прысвечанага 90-годдзю БНР і мы вырашылі яго паказаць у Гародні. Ён паказвае, як бел-чырвона-белы сцяг лунае як ветразь у паветры.» — кажуць кавалі.
Выстава у галерэі «Крыга» будзе працаваць ў Гродна да 3-га лістапада.
t-styl.info
Нашли опечатку? Выделите фрагмент текста с опечаткой и нажмите Ctrl + Enter.