Іван Кірчук. «Дарожка мая …»

14 красавіка ў Цэнтры гарадскога жыцця адбудзецца монаспектакль Івана Кірчука «Дарожка мая …».

У аснове ляжаць песні з сольнага альбома Івана Кірчука «Спадчына загінуўшых вёсак», матэрыялы з архіваў Акадэміі навук і рэспубліканскага радыё, прысвечаныя порам года, асноўным стыхіям, святам і падзеям у жыцці продкаў беларусаў. Матэрыялы да сцэнара аўтар збіраў 25 гадоў і здолеў скампанаваць сваю працу ў паўтарыгадзіннае выступленне. У паўзах паміж песнямі будуць гучаць рытуальныя заклінанні продкаў. Усё гэта склалася амаль у 40 песень з выкарыстаннем больш за 30 народных інструментаў.

Уваход: Вужалка (рамесны выраб, які дае магчымасць патрапіць на імпрэзы). Знайсці яе можна ў Этнакраме «Цудоўня», кошт 10 руб.