Няўжо забыцца можна пра вайну

Вялікая Айчынная вайна назаўжды застанецца ў сэрцах наступных пакаленняў беларусаў. Вогненыя гады той вайны, яе больш і горыч, а таксама радасць перамог, далі натхненне многім творцам.

Тэма вайны — адна з ключавых у беларускім мастацтве другой паловы ХХ — пачатку ХХІ ст.

На выстаўцы «Няўжо забыцца можна пра вайну» наведвальнікам прадстаўлены некалькі дзясяткаў мастацкіх работ з фондаў Гродзенскага дзяржаўнага гісторыка-археалагічнага музея. Яны створаны мастакамі, якія самі прайшлі праз вайну са зброяй у руках, або перажылі яе працуючы ці навучаючыся ў савецкім тыле.

Прадстаўленыя тут творы — гэта і шэдэўры соцрэалітычнага стылю ад класікаў беларускага мастацтва і вынік творчых пошукаў меньш вядомых, але не менш таленавітых масткоў, многія з якіх пасля Вялікай Айчыннай вайны жылі і працавалі ў Гродне.
Ключавая тэма большасці твораў — гераізм чалавека на вялікай вайне, трагедыя генацыда беларускага народа, радасць Перамогі і пасляваеннае аднаўленне. Творы, якія экспануюцца на выстаўцы, на працягу дзсяцігоддзяў захоўваліся ў фондасховішчах музея. Некалькі з іх былі адрэстаўрыраваны спецыяльна да 80-годдзя вызвалення Беларусі.