З 19 па 25 лістапада 2020 года ў Цэнтры рамёстваў «Спадчына» пройдзе тыдзень традыцыйнай і сучаснай творчасці «Палітра майстэрства». Яго мэта — азнаямленне зацікаўленых з асаблівасцямі некаторых відаў традыцыйнай і сучаснай рамеснай дзейнасці, прыцягненне ахвотных да ўдзелу ў студыях Цэнтра рамёстваў. У рамках тыдня запрашаем наведаць персанальную выставу «Вар’яцкі шляпнік» майстра народнага аматарскага аб’яднання «Гарадзенскі каларыт» Казакевіч Таццяны. На выставе прадстаўлены фантазійныя галаўныя ўборы, якія выкананыя ў тэхніцы мокрага валяння воўны.

Таксама запрашаем на майстар-класы, якія будуць працаваць па наступным графіку:

• 19 лістапада — «Саламяны рамбічны «павук», саломапляценне;
• 20 лістапада — «Керамічная салонка, кераміка»;
• 23 лістапада — «Лістапад» (тэхніка ваўняная акварэль), валянне з воўны;
• 24 лістапада — «Дрэва жыцця»(тэхніка габелена), ткацтва;
• 25 лістапада — «Бранзалет», мастацкая апрацоўка скуры.

Пачатак майстар-класаў у 15 і 18 гадзін. Удзел у майстар-класах бясплатны.

Дадатковая інфармацыя і папярэдні запіс на майстар-класы па тэлефонах: +375 (152) 68-38-20, +375 (152) 68-38-21.