У Мастоўскім раёне грыбнікі ўратавалі аляня

21 октября 2011 в 22:39
Поделиться
Отправить
Класснуть

Недалёка ад вёскі Маскалі, што на беразе Шчары, мясцовыя жанчыны пайшлі па грыбы. Зайшоўшы ў невялічкі гаёчак, яны пачулі сабачы брэх. Грыбнікі накіраваліся туды і ўбачылі пад ялінкаю маленькае алянятка.

Яно было зусім слабое і ледзьве магло стаяць на нагах. Відаць, не так даўно нарадзілася.

Сабака скарыстаўся бездапаможнасцю аляняці і пачаў кусаць небараку. Аляня ўзнялося на ногі і пакульгала прэч. Сабака кінуўся за ім.  


На адчайны крык аляняці выбегла аляніха, відаць маці, і павяла малое за сабою проста ў Шчару. Перабёгшы на другі бераг, аляніха азірнулася паглядзець, ці дзіцятка плыве за ёю: яно бездапаможна барахталася пасярэдзіне ракі. Пакуль аляня даплыло да берага і ўчапілася пярэднімі ножкамі за чарот, маці ўжо знікла ў гушчары.

Жанчыны, якія назіралі за тым, што адбываецца, кінуліся тэлефанаваць мясцоваму рыбаку Лявону. Той хуценька сеў у сваю лодку і праз пару хвілін быў каля аляняці. Ён паклаў малое ў лодку і вывез яго на бераг, куды знікла маці.  


Пад сасною рыбак зрабіў аляняці бярлогу з трыснёгу і пакінуў небараку там.

Праз гадзіну Лявон вярнуўся назад, але аляняці ўжо не было: толькі на пяску засталіся сляды дарослага аленя…

t-styl.info
Фота ўратавальнікаў.  

Нашли опечатку? Выделите фрагмент текста с опечаткой и нажмите Ctrl + Enter.

Чтобы комментировать, .