Восеньскі вернісаж

З 12 верасня працуе выстаўка «Восеньскі вернісаж» народнага аматарскага аб’яднання — клуба майстроў народнай творчасці «Каляровая альтанка» раённага цэнтра рамёстваў ДУК «Навагрудскі раённы цэнтр культуры і народнайтворчасці».

У экспазіцыі выстаўкі прадстаўлена каля 190 работ вядучых майстроў і мастакоў Навагрудскага раёна па розных накірунках дэкаратыўна-прыкладнога і выяўленчага мастацтва.

Таксама ўпрыгожваюць выстаўку работы носьбітаў элемента нематэрыяльнай культурнай спадчыны Гродзенскай вобласці «Традыцыя вырэзвання з паперы («выцінанка-выбіванка») у Навагрудскім раёне», які ўнесены ў Дзяржаўны спіс гісторыка-культурных каштоўнасцей Рэспублікі Беларусь.

Выстаўка працуе з 12 верасня і да канца 2019 года.

Кантактныя тэлефоны: 68-79-34, 62-37-92, 62-37-84.

Кошт квиткоў удакладняецца.